Հայաստանի նախագահ Սերժ Սարգսյանի հոկտեմբերի 17-ի հրամանագրով Վիգեն Սարգսյանն ազատվել է Հայաստանի նախագահի աշխատակազմի ղեկավարի տեղակալի պաշտոնից:
Նախագահի մամուլի գրասենյակիցNEWS.am-ին հայտնում են, որ Սերժ Սարգսյանի մեկ այլ հրամանագրով Վիգեն Սարգսյանը նշանակվել է Հայաստանի նախագահի աշխատակազմի ղեկավար:
Սերժ Սարգսյանը հրավիրած խորհրդակցության ժամանակ աշխատակազմին ներկայացրել է նոր ղեկավարին եւ մաղթել հաջողություններ՝ վստահություն հայտնելով, որ Վիգեն Սարգսյանը կկարողանա հաջողությամբ իրականացնել իր առջեւ դրված խնդիրները եւ առավելագույնս արդյունավետ կազմակերպել աշխատակազմի գործունեությունը:
Հիշեցնենք, որ նախագահի աշխատակազմի ղեկավարի պաշտոնը թափուր էր մնացել Կարեն Կարապետյանի` այդ պաշտոնից հեռանալուց հետո:
Կենսագրական տվյալներ
Վիգեն Սարգսյանը ծնվել է 1975թ. Մայիսի 10-ին, Երեւանում, բժիշկների ընտանիքում:
Մասնագիտական գործունեություն`
27.01. 2009-17.10.2011
Հայաստանի Հանրապետության Նախագահի աշխատակազմի ղեկավարի տեղակալ
• Արտաքին քաղաքականություն
• Ազգային անվտանգության խնդիրներ
• Սփյուռք
• Մշակույթ, գիտություն, կրթություն, սպորտ
2003.03-2009.01
Հայաստանի Հանրապետության նախագահի օգնական
2001–2011թթ.
Հայաստանի ամերիկյան համալսարանի հրավիրված դասախոս
• Միջազգային իրավունք
• Միջազգային հարաբերություններ
• Պետական կառավարման համակարգ
2000.10 – 2003.03
Հայաստանի Հանրապետության պաշտպանության նախարարի եւ ազգային անվտանգության խորհրդի քարտուղարի օգնական
1995.10 – 1998.08
Հայաստանի Հանրապետության Ազգային ժողովի նախագահի օգնական եւ արտաքին քաղաքականության հարցերով խորհրդական /1998/
Կրթություն
1998-2000, Մեդֆորդ, Մասաչուսեթս, ԱՄՆ
Իրավունքի եւ դիվանագիտության արվեստների մագիստրոս
Իրավունքի եւ դիվանագիտության Ֆլետչեր դպրոց, Թաֆթս համալսարան
• միջազգային իրավունք,
• միջազգային կազմակերպություններ
• միջազգային անվտանգություն
• Թեզ` «Լեռնային Ղարաբաղը երեկ, այսօր եւ վաղը. Իրավական խնդիրներ»
1992-1999
Դիպլոմ (1997) եւ միջազգային հարաբերությունների մագիստրոսի աստիճան (1999),
Երեւանի պետական համալսարան
• Դիվանագիտության պատմություն,
• միջազգային հարաբերություններ
• Թեզ` «Միջխորհրդարանական կազմակերպությունների դերն ու նշանակությունն արդի միջազգային զարգացումներում»:
1992-1996, Սանկտ-Պետերբուրգ, ՌԴ
Քաղաքացիական ծառայության հյուսիս-արեւմտյան ակադեմիա
• Պետական կառավարում եւ տեղական ինքնակառավարում
• Անձնակազմի կառավարում
• Թեզ` «Քաղաքացիական ծառայողների ընտրության եւ ուսուցման սոցիալ-հոգեբանական խնդիրներ»
Պարգեւներ`
• Ֆրանսիայի արժանիքների շքանշան (2008թ., Ֆրանսիական Հանրապետության Նախագահի հրամանագիր)
• Մովսես Խորենացու մեդալ (2007)` հայկական պետականության կայացման գործին երկարամյա ներդրման համար
• Հայաստանի Հանրապետության Նախագահի շնորհակալագիր (2007)
• Ֆրանսիական Հանրապետության Նախագահի շնորհակալագիր (2007)
• Հավաքական անվտանգության պայմանագրի կազմակերպության շնորհակալագիր եւ մեդալ (2007)
• Հայաստանի Հանրապետության վարչապետի հուշամեդալ (2006)
• Հայաստանի Հանրապետության վարչապետի շնորհակալագիր (2004)
Մասնակցություն մասնագիտական կառույցներին
• <<Լույս>> հիմնադրամի կրթական ծրագրի խորհրդի անդամ
• Երեւանի պետական համալսարանի խորհրդի անդամ
• Կինոյի եւ թատրոնի պետական ինստիտուտի խորհրդի անդամ
• Վատ լսող եւ խուլ երեխաների ծնողների <<Հավատ>> հասարակական կազմակերպության խորհրդի պատվավոր հիմնադիր անդամ
• <<Քաղաքացիական ծառայություն>> ամսագրի խմբագրական խորհրդի անդամ
• Երեւան-Քեմբրիջ քույր քաղաքների ասոցիացիայի խորհրդի հիմնադիր անդամ
Հրապարակումներ եւ կոնֆերանսներ
• «Մարդու իրավունքների պաշտպանության ազգային եւ միջազգային գործիքներ» (համահեղինակությամբ Reuter եւ Khufner, Երեւան, 2003)
• Ռոն Ասմուսի Բացելով ՆԱՏՕ-ի դռները” գրքի հայերեն թարգմանություն եւ խմբագրում (Երեւան, 2008)
• Մյունխենի անվտանգության կոնֆերանսի հրավիրյալ հյուր (փետրվար, 2009)
• ԵՄ կոնֆերանսի գլխավոր բանախոս <<Հայաստանը եւ ԵՄ նոր հարեւանության քաղաքականությունը» (2007)
• «ԵՄ Արեւելյան գործընկերության նախաձեռնությունը» կոնֆերանսի գլխավոր բանախոս
• Խալկի /Հունաստան/ միջազգային կոնֆերանս /2001/
• Իդրա /Հունաստան/ կոնֆերանս /1999/
Ամուսնացած է, ունի երկու դուստր:
